自制飯團初體驗

我們帶的飯盒通常是阿媽晚上煮多些飯餸, 然後拎個微波爐盒放入餸菜就算.
但日本人就會早上起床親手做便當給自己 / 老公 / 子女 / 愛人.
而且每個便當都有不同圖案, 做型, 十分精緻, 可愛, 有心思.
真的好佩服日本女士們, 每天早上要化妝之餘, 還有時間做便當.


上次馬拉松見Mandy EE幫彤彤做了個飯團便當好得意.
我又心養養都想學人整給SY.
於是走去12蚊店買工具, 12蚊店十分好方便, 有齊各式各樣的便當工具, 品質不差十分抵玩.
哈哈哈 ~~我LUNCH 一有時間好喜歡去逛逛.

買齊工具可以開工~~~~
煮了飯後, 倒了壽司醋一起撈.

加了蟹柳條和少量日式撈飯粒粒.

之後將飯放入公仔模內. SY喜歡吃粟米, 所以再加少少粟米粒.

做好後, 在紫菜上 用眼仔打孔機打了眼和口.
之後貼上飯團上, 完工.

下次要落少一茶匙醋, 因為SY說飯有味. 可能接受不到太酸.
 我覺得做出來的樣子仍不夠可愛, 所以會繼續努力.