冬菇叉燒飯

又學了新菜式.... 急不及待今晚煮.
就是冬菇叉燒飯.
其實不是什麼勁菜式, 只是一款簡單懶人飯. 好適合我. 哈哈哈.....


首先將冬菇用蠔油 + 沙糖調味.

再將叉燒切粒炒炒佢. 備用.

之後跟平時一樣煲飯, 再將"葉"好的冬菇一齊煲.

熟了後, 再加叉燒粒, 再落蠔油撈撈佢.

再焗一焗佢, 攪掂, 食得.

魚香茄子

我不是想寫什麼食譜教人煮魚香茄子.
因坊間已經好多教人了. 
我也是睇他人的blog 來學煮呢味餸.
因為第一次煮. 想記低作記錄.


買了2條茄子.
再加一包李錦記的魚香茄子醬.

茄子切後, 浸salt 水, 一陣用
.

之後用調味料 淹肉.

 

 

 

我再加埋這包炸菜木耳, 正,
這包美味棧的炸菜好得. 又平, 又方便. 只係3元一包.
真的要極力推介.

先將肉 + 炸菜炒到半生熟.


跟住加埋茄子, 再加少少水, 慢火煮到啡黑免, 熟透後, 再落埋李錦記醬, 炒兩炒就ok了.



味道ok, 但帶少少咸. 下次唔好咁重手. 同埋要煮多d飯, 哈哈

可惜大仁說魚香茄子辣, 唔多食.
早知買一條茄子. 睇來呢味菜只煮一次就同我說再見.

今晚仁不停吃瑞士雞翼.
呢個雞翼連SY也大叫好.

 其實我煮功仍然麻麻... 但見佢地吃得好開心又沒說難食, 我就當自己有100分. 哈哈哈

親子環保燈籠

一年一度親子環保燈籠活動 .

無idea 點做好 ? 所以呢幾日飲完的飲品合, 奶盒,  厠紙筒, 紙巾合 等等keep 起去先.

突然有日行過花墟賓紛花店用荷花做display. .. 於是我就用佢呢個idea 來做花燈.

先用sy 吃完的百福豆腐花合來做.

再加上3個不同顏色的扭旦.

紅色利是封剪了心型, 拼起做個底盤.

sy 幫手貼..貼..貼.

再用玻璃紙來做花瓣.

完成 !!!

我以為自己做得好靚.. 但返到學校仲有好多更靚更勁的燈籠.

真的一山還有一山高.

祝大家中秋節快樂 !!

K1-自家制DIY生日帽

今天 8月26日 SY  第一次有份參加自己生日會.

學校要求生日同學自備一頂生日帽 (其實學校都有準備一些party 帽比學生).

於是上網看看別人的做法... .. 起初見到一個教用卡紙剪個圓桶形對摺.

我發現做出來的效果不太好...  無意中找到另一個link, 是用絨布來做頂帽.

於是落深水埗 - 三昌公司找絨布, 又平又多色. 一碼11元, 抵 !!

起初我用曲卡餅缶在廢紙上試畫出圓形size, 點知都係細.

想下想下不如用張椅子來做圓周. 呀..... size 剛剛好.

剪好後, 再將圓形對摺, 找其中一條線, 沿著條線cut一半. 然後好似雪榚杯卷起用針縫在一起.

再訂上一些刺繡章.... 因為SY 今年3歲...所以我訂了3字. 就係咁... 就完成. 

哈哈...仁叔叔好少讚我...又唔會直接讚的.. 佢兜了一個圈 說不如做25頂送給同學仔. 睇來佢都覺得我做得好好.. 嘻嘻.