親子環保燈籠

一年一度親子環保燈籠活動 .

無idea 點做好 ? 所以呢幾日飲完的飲品合, 奶盒,  厠紙筒, 紙巾合 等等keep 起去先.

突然有日行過花墟賓紛花店用荷花做display. .. 於是我就用佢呢個idea 來做花燈.

先用sy 吃完的百福豆腐花合來做.

再加上3個不同顏色的扭旦.

紅色利是封剪了心型, 拼起做個底盤.

sy 幫手貼..貼..貼.

再用玻璃紙來做花瓣.

完成 !!!

我以為自己做得好靚.. 但返到學校仲有好多更靚更勁的燈籠.

真的一山還有一山高.

祝大家中秋節快樂 !!

K1-自家制DIY生日帽

今天 8月26日 SY  第一次有份參加自己生日會.

學校要求生日同學自備一頂生日帽 (其實學校都有準備一些party 帽比學生).

於是上網看看別人的做法... .. 起初見到一個教用卡紙剪個圓桶形對摺.

我發現做出來的效果不太好...  無意中找到另一個link, 是用絨布來做頂帽.

於是落深水埗 - 三昌公司找絨布, 又平又多色. 一碼11元, 抵 !!

起初我用曲卡餅缶在廢紙上試畫出圓形size, 點知都係細.

想下想下不如用張椅子來做圓周. 呀..... size 剛剛好.

剪好後, 再將圓形對摺, 找其中一條線, 沿著條線cut一半. 然後好似雪榚杯卷起用針縫在一起.

再訂上一些刺繡章.... 因為SY 今年3歲...所以我訂了3字. 就係咁... 就完成. 

哈哈...仁叔叔好少讚我...又唔會直接讚的.. 佢兜了一個圈 說不如做25頂送給同學仔. 睇來佢都覺得我做得好好.. 嘻嘻.

三文魚節瓜粥的疑問

我好少寫小雞的"是日粥"餐單.

因為我平時煮d好easy粥, 咩瘦肉配蕃薯, 瘦肉配紅蘿蔔, 總之無難道.

如果想食魚粥, 就會叫婆婆煮. 今個假期婆婆去左大陸玩, 小雞是日粥唯有我來煮.

好多人說三文魚好有益, 於是星期六, 晨咁早去又一城taste買料.

白痴媽一心諗住魚生counter 買人地切好的三文魚刺身. 可能早得濟, 未有一盒盒刺身賣.

行行下, 見到有一塊塊三文魚扒, 係米用呢種來煮粥, 晨咁早又唔知打比邊個問, 唉... ... "是但啦", 應該係呢種, 無理由用刺身來煮掛.

之後... 去買節瓜. 我真係超~~低b, 唔知節瓜叫毛瓜, 只好面蒙蒙問亞姐. 哈哈.

最後.. 煮出來好香三文魚味. 但雞爸說嘩~~~好鯹....

同埋好鬼油, 我平時d煮好清, 無咩油. 唔知點解煮出來油林林. 比左小雞食一碗之後都唔敢比佢食. 係米我煮法有問題呢???? 有咩方法可以唔好咁多魚油呀.

我的煮法係將魚 + 瓜 + 米 一齊煮.